Il Gruppo donatori Fratres ha istituito la 1a edizione del Concorso Poesia ispirata al tema della donazione, come sentimento umano. Tra un gruppo di 6 finalisti la Giuria ha decretato vincitrice la poesia "Ti vitti Cristu..." di Margherita Neri, nata a Gangi e residente a Cefalù. Ecco la poesia vincitrice: Ti vitti Cristu... Ti vitti Cristu…
Davanti li scaluna di la chiesa
mentri stinnevi a manu a lu passanti
ca ′ndiffirenti mancu Ti taliava.
Ti vitti…
′Ntrusciatu ntôn cartuni ′mmenzu â strata,
lu celu pi suffitta, ′na basula di petra pi capizzu,
li carni arrizzati di lu friddu, lu sdegnu ′nta la facci di la genti.
Ti vitti ancora Cristu…
′nta l′occhi dispirati d′un surdatu
mentri cadìa, gridannu matri mia,
e û suli adaciu adaciu scumparìa
annigghiatu da lu fumu di cannuna.
Ti vitti Cristu…
′ntê lacrimi dâ matri, c′aspetta sularina a la finestra
lu figghiu ca ′na notti ′i primavera, finì la cursa ′ncapu lu muturi,
l′ali muzzati prima di vulari.
Ti vitti…
′nta lu lettu di spitali, lettu di spini, lettu di duluri,
nudda spiranza dintra di lu cori.
Ti vitti Cristu…
′nta la facciuzza lorda d′un carusu
c′addumannava tri sordi ′i cumpassiuni,
jttatu ′ntâ n′agnuni di la strata.
Quanti voti T′haiu vistu Cristu,
quanti voti li spaddi T′ha vutatu,
quanti voti avissi vulutu turnari ′nnarrè,
stenniri la manu, rialari un surrisu, ′na parola, ′na carizza…
Pirdunami Cristu,
si T′haiu vistu e T′haiu abbannunatu. Pronta La II° Edizione del Premio Fratres - Vico del Gargano 2010 BANDO Fonte: [fuoriporta.info]

Clicca qui per il file allegato